Şimali İsraildə bir fələstinli terrorçunun hücumunda iki israilli həlak olub və hücum edən şəxs saxlanılıb.

Xalqcebhesi.az xəbər verir ki, bu barədə İsrail polisinin mətbuat xidməti məlumat yayıb.

Bəyanatda deyilir: "Şimali İsraildə baş verən terror aktı Beyt Şean şəhərində başlayan terror aktları zənciri idi və orada bir piyada ölümcül şəkildə vurulub. Daha sonra Eyn Haroda məhəlləsində gənc qadın bıçaqlanaraq öldürülüb. Şübhəli sonda Afulada yoldan keçən bir şəxs tərəfindən zərərsizləşdirilib".
Mətbuat xidməti əlavə edib ki, "zərərsizləşdirilən terrorçu Fələstin ərazilərinin sakinidir". Polis bildirib ki, o, "orta vəziyyətdə xəstəxanaya aparılıb".

Məryəm Quliyeva