ABŞ-ın Respublikaçı Senatoru Lindsi Qraham ölkəsinin Venesuelaya qarşı əməliyyatlarından sonra Kubanın "günlərinin sayılı olduğu" mesajını verib.

Xalqcebhesi.az xəbər verir ki, ABŞ prezidenti Donald Trampla birlikdə səfərdə olan Qraham təyyarədə jurnalistlərə ABŞ-ın Venesuelaya müdaxiləsi barədə açıqlamalar verib.

Qraham bildirib: “Kuba üçün sadəcə gözləmək kifayətdir. Kuba keşişləri və rahibələri öldürən kommunist diktaturadır.”

Kubanın öz xalqını “qurban verdiyini” iddia edən Qraham əlavə edib: “Kuba­nın günləri sayılıdır. Bir gün oyanacağıq və ümid edirəm ki, bu 2026-cı ildə olacaq. Həyətimizdə amerikalıları öldürən terrorçular və diktatorlar deyil, ABŞ-la əməkdaşlıq edən müttəfiqlərimiz olacaq.”

Məryəm Quliyeva