Türkiyə sülhməramlı kontingentinin "könüllülər koalisiyası"nın bir hissəsi olaraq Ukraynaya yerləşdirilməsi atəşkəslə və hər bir üzv ölkə üçün aydın bir missiya ilə mümkündür.

Xalqcebhesi.az xəbər verir ki, bu barədə jurnalistlərə respublikanın Müdafiə Nazirliyi məlumat verib.

Müdafiə Nazirliyi qeyd edib ki, "ölkəmiz Rusiya ilə Ukrayna arasındakı müharibədə daimi atəşkəsə nail olmağa yönəlmiş istənilən konstruktiv təşəbbüsə töhfə verməyə hazırdır. Bu baxımdan, biz "könüllülər koalisiyası"nın fəaliyyətində fəal iştirak edirik. Türkiyənin sülhməramlı qüvvələrinin bir hissəsi olaraq Ukraynaya qoşun göndərmək üçün əvvəlcə atəşkəsi təmin etmək, daha sonra isə dəqiq bir missiya müəyyənləşdirmək və hər bir ölkənin töhfə verəcəyi miqyası müəyyən etmək lazımdır".

Məryəm Quliyeva