ABŞ-nin dövlət katibi Marko Rubio MünXen Təhlükəsizlik Konfransı çərçivəsində keçirilən müzakirələrdə rəsmi Vaşinqtonun Ukraynaya hərbi dəstəyi ilə bağlı açıqlamalar verib.

Dövlət katibi ABŞ istehsalı olan silahların Kiyevə ötürülməsi proqramlarının əvvəlki qaydada işlədiyini bəyan edib.

M.Rubio xüsusi olaraq Avropa ölkələrinin Ukrayna üçün ABŞ-dən silah almasını nəzərdə tutan PURL (Prioritized Ukraine Requirements List) mexanizminin effektivliyini vurğulayıb:

"PURL proqramı işləməyə davam edir, Amerika silahları Ukraynadakı müharibə üçün təmin edilir. Hər şey plan üzrə gedir. Silah tədarükündə hər hansı fasilə baş verməyib".