İran Hərbi Dəniz Qüvvələri ABŞ-a məxsus "USS Abraham Lincoln" aviadaşıyıcısına bir neçə zərbə endirib və onu qismən sıradan çıxarıb. Bundan sonra gəmi ABŞ-a doğru geri istiqamətlənib.

Xalqcebhesi.az xəbər verir ki, bunu İslam Respublikası Silahlı Qüvvələrinin mərkəzi qərargahının nümayəndəsi Xatəm əl-Ənbiya bildirib.

İranın dövlət televiziyası onun sözlərini sitat gətirib: "ABŞ-ın "Abraham Linkoln" təyyarədaşıyan gəmisi İslam İnqilabı Keşikçiləri Korpusunun dəniz qüvvələri tərəfindən vurulub və sıradan çıxarılıb". İran Silahlı Qüvvələri təyyarədaşıyan gəminin Fars körfəzini tərk edərək ABŞ-a doğru yola düşdüyünü qeyd edib.