Tankerlər yenidən Hörmüz boğazından keçməyə başlayıb.

Xalqcebhesi.az xəbər verir ki, bu barədə CNBC telekanalına müsahibəsində Ağ Ev yanında Milli İqtisadi Şuranın rəhbəri Kevin Hassett məlumat verib.

Onun sözlərinə görə, gəmilərin boğazdan keçməsi İranın resurslarının tükəndiyini göstərir. Bununla o, Tehranın tankerləri saxlamaq üçün vəsaitinin qalmadığını nəzərdə tutub.

«Münaqişə bitdikdən bir neçə həftə sonra, gəmilər neft emalı zavodlarına çatdıqda qiymət balanslaşdırılması baş verəcək. Bizim gübrə tədarükündən tutmuş Qərb sahillərinə yanacaq çatdırılmasına qədər hər hansı bir fasilə yaranacağı təqdirdə real planımız var», — deyə o bildirib.

Sonda Hassett əlavə edib ki, Vaşinqton İrandakı münaqişəni tam nəzarətdə saxlayır. O, döyüşlərin çox tezliklə başa çatacağına əmindir.

Məryəm Quliyeva