Vaşinqton İranla münaqişənin nizamlanması üzrə danışıqlarda Avropanı vasitəçi qismində görmür, çünki bu məsələni Yaxın Şərq regionunun daxili işi adlandırmaq olar.

Xalqcebhesi.az xəbər verir ki, bu fikri Finlandiya Prezidenti Aleksander Stubb səsləndirib.

"Amerikalıların avropalıların [danışıqlarda] vasitəçi olmasını istədiklərini düşünmürəm, buna görə də onlar pakistanlılara, ondan əvvəl isə misirlilərə və omanlılara müraciət edirlər. Hesab edirəm ki, bu, daha çox region səviyyəsində vasitəçilik məsələsidir", — deyə o, Al Arabiya telekanalına müsahibəsində Stubbun ABŞ Prezidenti Donald Trampla yaxın münasibətlərini nəzərə alaraq, Helsinkinin nizamlanmaya kömək edib-edə bilməyəcəyi barədə suala cavab verərkən bildirib.

Bundan əlavə, Stubb qeyd edib ki, Finlandiya Böyük Britaniya və Fransanın Hörmüz boğazının açılması üzrə təklif etdiyi missiyada iştirakla bağlı hələlik qərar qəbul etməyib və regiona göndərmək üçün gəmiləri yoxdur. Bununla belə, Helsinki "vaxtı çatanda" qərar vermək və missiyanı "bu və ya digər formada" dəstəkləmək niyyətindədir.

Məryəm Quliyeva