İran cinayətlər və terror aktları törətmək məqsədilə Böyük Britaniyadakı insanları cəlb etmək üçün Telegram messencerindən istifadə edir.

Xalqcebhesi.az xəbər verir ki, bu barədə "Sky News" məlumat yayıb.

Ehtimal olunur ki, İran xüsusi xidmət orqanları ilə əlaqəli olan kanal yeniyetmələrə və məhkumluğu olan şəxslərə hədəflənib. Onlara müəyyən obyektlərin və insanların çəkilişini aparmaq da daxil olmaqla, müxtəlif tapşırıqların icrası üçün 500 dollardan 2000 dollara qədər pul təklif olunur.

Britaniyanın terrorizmlə mübarizə polisi bu şəxslərin Londondakı yəhudi icma mərkəzlərində və farsdilli media qurumlarında baş vermiş son yanğın hadisələrində iştirakı ehtimalını araşdırır. İnsanları cəlb etmək üçün ingilis və ivrit dillərində fəaliyyət göstərən çat-botlardan istifadə edilir. Bu vəziyyət təhlükəsizlik ekspertləri arasında ciddi narahatlıq yaradıb, çünki istifadə olunan metodlar Rusiya xüsusi xidmət orqanlarının iş üslubunu xatırladır.

Məryəm Quliyeva