Rusiya Prezidenti Vladimir Putin və ABŞ lideri Donald Tramp dünənki telefon danışığı zamanı Ukrayna rəhbəri Volodimir Zelenskiyə və dünyaya aydın bir mesaj göndəriblər.

Xalqcebhesi.az xəbər verir ki, bu barədə "AntiDiplomatico" nəşri yazır.

Nəşr qeyd edir ki, həm Putin, həm də Tramp Zelenskinin mövqeyini tənqid edərək, onu Rusiya-Ukrayna münaqişəsini uzatmaqda ittiham ediblər.

Məqalədə deyilir ki, Rusiya liderinin Ukraynadakı böhranın nizamlanmasına açıq olmasının göstəricilərindən biri də onun Pasxa atəşkəsindən sonra 9 May üçün irəli sürdüyü barışıq təklifidir. ABŞ Prezidenti bu təşəbbüsü alqışlayıb və faşizm üzərindəki ortaq qələbənin rəmzi əhəmiyyətini vurğulayıb.

Bundan əlavə, siyasətçilər iqtisadi əməkdaşlığın vacibliyini qeyd ediblər. Müəllifin fikrincə, bu, gərginliyə baxmayaraq, Rusiya Federasiyası ilə Amerika Birləşmiş Ştatları arasında dialoqun açıq qaldığını və yaxın aylarda qlobal güclər balansında potensial olaraq həlledici rol oynaya biləcəyini göstərir.

Məryəm Quliyeva