ABŞ Prezidenti Donald Tramp çinli həmkarı Si Cinpinlə görüşü səbirsizliklə gözlədiyini bəyan edib.

Xalqcebhesi.az "Bloomberg" agentliyinə istinadən xəbər verir ki, o, bu barədə mayın 4-də Ağ Evdə jurnalistlərlə ünsiyyət zamanı deyib.

Tramp sammitlə bağlı planlarının qüvvədə qaldığını vurğulayıb: "İki həftədən sonra Prezident Si ilə görüşə gedəcəyəm. Bunu səbirsizliklə gözləyirəm. Əslində bu, çox vacib bir səfər olacaq".

Gözlənildiyi kimi, ABŞ və Çin liderləri ticarət məsələlərini və ikitərəfli münasibətlərin digər sahələrini müzakirə etmək üçün mayın 14–15-də Pekində görüşəcəklər. Sammitə hazırlıq Amerika və Çin rəsmiləri tərəfindən artıq bir neçə aydır ki, davam etdirilir.

Məryəm Quliyeva