ABŞ Prezidenti Donald Tramp yenidən İranın infrastrukturunu məhv edəcəyi ilə bağlı hədələr səsləndirib, lakin eyni zamanda Tehranla saziş əldə etmək niyyətində olduğuna dair əminlik verib.

Xalqcebhesi.az xəbər verir ki, bu barədə amerikalı lider Ağ Evdə jurnalistlərə İran ətrafındakı vəziyyəti şərh edərkən bildirib.

"Biz ya sazişə nail olacağıq, ya da işi bitirəcəyik. İşi bitirmək isə çətin olmayacaq", - deyə o,qeyd edib.

"Mən saziş bağlamağa üstünlük verərdim, çünki 91 milyon insana zərər vurmaq istəmirəm", - deyə Tramp əmin edib. "Biz onların körpülərini bir saat ərzində məhv edə bilərik. Onların enerji ehtiyatlarını, tikdikləri bütün o gözəl, böyük müəssisələri sıradan çıxara bilərik", - deyə ABŞ prezidenti iddia edib.

Məryəm Quliyeva