Gürcüstan hakimiyyəti, Gürcüstan nümayəndə heyətinin iclas zalını tərk etməsinə səbəb olan tənqidi qətnamənin qəbul edilməsinə baxmayaraq, ATƏT-in Parlament Assambleyası (PA) ilə əməkdaşlığı davam etdirəcək.

Xalqcebhesi.az xəbər verir ki, bu barədə Gürcüstanın Baş naziri İrakli Kobaxidze bəyan edib.

"Əməkdaşlıq davam edəcək, lakin bu əməkdaşlığın keyfiyyəti ATƏT PA-nın öz fəaliyyətini necə davam etdirəcəyindən — yenə konqresmen Co Vilsonun səviyyəsində qalacağından, yoxsa Co Vilsonun səviyyəsindən yüksəyə qalxacağından asılı olacaq", — deyə Kobaxidze brifinqdə bildirib.

Onun sözlərinə görə, bu, Gürcüstan nümayəndə heyəti ilə ATƏT PA arasında gələcək əməkdaşlıq üçün prinsipial məsələ olacaq.

Məryəm Quliyeva