Tayvan hakimiyyəti sahil mühafizəsi üçün dəniz dronlarının hazırlanması və çatdırılması ilə bağlı müqavilələr imzalayıb.

Bu barədə "Nikkei" nəşri məlumat yayıb.

Müqaviləyə 25 pilotsuz yerüstü nəqliyyat vasitəsi və iki pilotsuz sualtı nəqliyyat vasitəsi daxildir. Müqavilə Amerika müdafiə şirkəti "Maritime Tactical Systems (MARTAC)" ilə bağlanıb. Tayvan Sahil Mühafizəsi ilə ilk dəniz dronlarının sınaqdan keçirilməsi 2027-ci ilin birinci yarısına planlaşdırılır.

Agentlik bildirir ki, Tayvan hakimiyyətinin qərarı Çinlə artan gərginlik fonunda adanın müdafiəsini gücləndirmək istəyindən irəli gəlir. Tayvan hökumətindəki mənbə vurğulayıb ki, ölkənin sahil mühafizəsinin ətrafımızdakı sularda artan problemləri həll etmək üçün sərəncamında pilotsuz yerüstü və sualtı nəqliyyat vasitələrinin olması çox vacibdir.