Səudiyyə Ərəbistanının rəhbərlik etdiyi Ərəb koalisiyasının hava hücumundan müdafiə bölmələri Yəməndən Krallığın ərazisinə atılan bir ədəd ballistik raket və 4 ədəd pilotsuz uçuş aparatını vurublar.

"Al Arabiya" telekanalının verdiyi məlumata görə, bu barədə Koalisiyanın mətbuat xidmətindən bildiriblər.

Bildirilir ki, raket və dronların hədəfi Səudiyyə Ərəbistanının Cizan əyaləti olub.

İnsident nəticəsində dağıntılar və xəsarət alanlar barədə məlumat verilməyib.