Zəncan vilayətinin Tarım şəhristanının Çəmlə kəndinin şurası və kənd başçısı təqdirəlayiq bir addım ataraq küçələrə türkcə adlar verib.

Gunaz.tv

Kəndin küçələrində quraşdırılan lövhələrdə "Elçiçək", "Yaşılzəmillər", "Qızılüzən" kimi adlardan istifadə olunub.

Son illərdə Güney Azərbaycan türklərində oyanış və milli şüurun artması səbəbindən Türk əhali küçə və məhəllələrin türkcə adlarının dirçəldilməsi üçün hakimiyyət orqanlarına təzyiq göstərirlər.

Bundan öncə Məlikkəndi şəhərinin Qaraçal kənd idarəetmə orqanı təqdirəlayiq addımla bütün küçə, məhəllə və xiyabanları türk adları ilə və Şəhriyar, Səttarxan, Bağırxan, Cabbar Bağçaban və başqa bu kimi Azərbaycan igidlərinin adları ilə dəyişdirmişdi.

Həmçinin, bir müddət əvvəl Ərdəbilin Korabazlı kəndinin idarəetmə orqanı bənzər addım ataraq kəndin küçələrinə türkcə adlar vermişdi.