Bu gün basketbol üzrə Azərbaycan çempionatında final seriyasının ilk oyununa star veriləcək.

AZƏRTAC xəbər verir ki, həlledici qarşılaşmada “Sabah” və “Xəzri” komandaları üz-üzə gələcək. “Sərhədçi” İdman Mərkəzində reallaşacaq görüş saat 19:30-da başlayacaq.

Seriyanın ikinci qarşılaşması mayın 19-da, üçüncü oyunu isə 22-də olacaq. Final seriyasında qarşılıqlı qələbələr olarsa, 4-cü və 5-ci matçlara ehtiyac duyulacaq.

Qeyd edək ki, “Sabah” yarımfinalda “Xırdalan”ı, “Xəzri” isə “NTD-İndiqo”nu mübarizədən kənarlaşdırıb. Ötən gün 3-cü yer uğrunda ilk oyunda “NTD-İndiqo” “Xırdalan”ı 95:79 hesabı ilə məğlub edib. Bu komandaların ikinci dueli mayın 18-də olacaq.