Bu ilin yanvar-fevral aylarında ölkədə heyvandarlıq məhsullarının istehsalında artım qeydə alınıb.

Kənd Təsərrüfatı Nazirliyindən Trend-ə verilən məlumata görə, hesabat dövründə diri çəkidə ət istehsalı ötən ilin müvafiq dövrü ilə müqayisədə 2,8%, yumurta istehsalı 16.1%, süd istehsalı 1,1% artıb.

Qeyd edək ki, 2022-ci ilin yanvar-noyabr ayları üzrə Azərbaycanda kənd təsərrüfatının ümumi məhsulunun faktiki qiymətlərlə dəyəri 10 milyard 383,8 milyon manat təşkil edib.

İstehsal edilən məhsulun 4 milyard 952,5 milyon manatı heyvandarlıq, 5 milyard 431,3 milyon manatı isə bitkiçilik məhsullarının payına düşüb.