ABŞ prezidenti Donald Tramp avqustun 1-dən Hindistana 25%-lik gömrük rüsumunun tətbiq ediləcəyini açıqlayıb.

Xalqcebhesi.az xəbər verir ki, ABŞ prezidenti Donald Tramp indi iqtisadi sanksiyalarla bağlı Hindistanı hədəfə alıb.

Trump şəxsi sosial media platformasında etdiyi açıqlamada, “Unutmayın ki, Hindistan dost olsa da, biz bu illər ərzində onlarla nisbətən az ticarət etmişik, çünki onların tarifləri dünyada ən yüksəklərdəndir və qeyri-monetar ticarət maneələri digər ölkələrlə müqayisədə çox daha sərt və pozucudur” deyib.

Trump əlavə edib: "Həmçinin, hərbi təchizatlarının böyük əksəriyyətini həmişə Rusiyadan alıblar və hazırda Çinlə birlikdə Rusiyanın ən böyük enerji alıcıları sırasındadırlar — üstəlik, hər kəs Rusiyanın Ukraynadakı qırğını dayandırmasını istəyərkən! Buna görə də Hindistan, 1 Avqustdan etibarən 25 faiz gömrük vergisi və yuxarıda göstərilən səbəblərə görə cəza ödəyəcək."

Məryəm Quliyeva