İraq Kürd Regional Rəhbərliyinə (KRG) bağlı Ərbil şəhəri yaxınlığındakı neft yataqlarını hədəf alan hücumda bomba yüklü pilotsuz təyyarənin (PUA) hədəfinə çatmadan qəzaya uğradığı açıqlanıb.

Xalqcebhesi.az xəbər verir ki, İraq Kürd Regional Rəhbərliyi (KRG) hökumətinin Terrorla Mübarizə Bölməsi verdiyi açıqlamada bomba yüklü pilotsuz təyyarənin (PUA) paytaxt Ərbil yaxınlığında qəzaya uğradığını açıqlayıb.

Açıqlamada, "Bu gün yerli vaxtla səhər saat 09:30-da Ərbilin Mahmur rayonuna bağlı Du Girdkan kəndi yaxınlığında neft mədənlərini hədəf alan hücum zamanı bomba yüklü pilotsuz təyyarə (PUA) hədəfinə çatmadan qəzaya uğradı. Bomba yüklü pilotsuz təyyarə partlamadı."

Təhlükəsizlik rəsmiləri hadisə ilə bağlı araşdırmanın davam etdiyini bildiriblər.

Terrorla Mübarizə Bölməsi də ötən bazar ertəsi Ərbilin qərbində, Habat rayonunun Rizqari səmtində partlayıcı yüklü pilotsuz uçan aparatın qəzaya uğradığını və itkilərin olmadığını təsdiqləmişdi.

Həmin gün daha bir pilotsuz təyyarə Xabat rayonunun Kavarqosk kəndi yaxınlığında qəzaya uğrayıb.

Məlumdur ki, KRQ-nin neft yataqları iyulun əvvəlindən fasilələrlə pilotsuz təyyarələrin hücumlarına məruz qalıb.

Məryəm Quliyeva