Ötən ilin yanvar-sentyabr aylarında Gürcüstanın tikinti sektoruna 62 milyon 538 min ABŞ dolları həcmində birbaşa xarici investisiya yatırılıb.

APA-nın yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

İllik müqayisədə sərmayələrin həcmi 37 dəfə artıb.

İnvestisiyaların 26,1 milyon ABŞ dolları və yaxud 42%-i Azərbaycandan daxil olub. Azərbaycan bu göstərici ilə hesabat dövründə Gürcüstanın tikinti sahəsinə ən çox sərmayə qoymuş ölkələrin ilk beşliyində birinci yeri tutub.

İlk beşliyə Azərbaycanla yanaşı Rusiya (11,7 milyon ABŞ dolları), Ukrayna (10,9 milyon ABŞ dolları), Türkiyə (9,5 milyon ABŞ dolları) və Slovakiya (4,3 milyon ABŞ dolları) daxil olub.