Rusiya Prezidenti Vladimir Putin Səudiyyə Ərəbistanının vəliəhd şahzadəsi Məhəmməd bin Salman Əl Səud ilə telefon danışığı aparıb.

Xalqcebhesi.az xəbər verir ki, bu barədə Kremlin mətbuat xidməti məlumat yayıb.

"Yaxın Şərqdəki böhranlı vəziyyətlə bağlı bir sıra məsələlər nəzərdən keçirilib. Regionda hərbi-siyasi vəziyyətin pisləşməsi və mülki əhali arasında itkilərlə bağlı ciddi narahatlıq ifadə olunub", — deyə məlumatda bildirilir.

Putin və vəliəhd şahzadə görüşləri zamanı vurğulayıblar ki, Yaxın Şərqdəki böhran qlobal enerji təhlükəsizliyinə mənfi təsir göstərir. Tərəflər həmçinin bütün tərəflərin maraqlarını nəzərə alan uzunmüddətli nizamlanma üçün regionda hərbi əməliyyatların tezliklə dayandırılmasının zəruriliyini qeyd ediblər.

Məryəm Quliyeva