Peter Teys: "Minsk qrupu və beynəlxalq aktorları ələ salır"

Aprelin 2-də Ermənistan Silahlı Qüvvələri Azərbaycan Silahlı Qüvvələrinin mövqelərinə, təmas xəttinə yaxın Azərbaycan vətəndaşları və onların evlərinə hücum edib. Bu hücumlar zamanı erməni əsgərləri ağır silahlardan, qumbaraatanlar və artilleriyadan istifadə edib. Bu qəddar hücum Ermənistan Hökumətinin Dağlıq Qarabağda əbədi sülhün əldə edilməsi və Azərbaycanın ərazi bütövlüyünün təmin edilməsi üçün diplomatik çərçivədən imtina etdiyini təsdiqləyir. Bu fikri Azadinform-a açıqlamasında amerikalı siyasi ekspert Peter Teys deyib. O bildirib ki, Ermənistan dünya dövlətləri arasında çox hallarda beynəlxalq hüququn normalarını pozmaqda, insanlığa qarşı cinayət törətməkdə və BMT TŞ-nın dörd qətnaməsini pozmaqda üstünlük təşkil edənlərdəndir: "Yerevan beynəlxalq ictimaiyyətlə pis davranır və Minsk qrupu və beynəlxalq aktorları ələ salır".
Ekspert bildirib ki, digər tərəfdən Minsk qrupu məhvedici, 20 il ərzində uğursuzluğa düçar olduğunu sübut etdi: "O sülh əldə edilməsi və Azərbaycanın ərazi bütövlüyünün təmin edilməsindən heç bir yardım etmədi, əksinə daha çox qarışıqlıq gətirdi".
Teysin fikrincə, bu faktdır ki, Minsk qrupu nəinki hər hansı nəticə verməkdə uğursuz oldu, həmçinin Qarabağda sülhün əldə edilməsində istəkli olan qlobal aktorlara mane oldu: "Təəssüf ki, Qafqaz region Ermənistanın yaratdığı qarışıqlığa məğlub olmaqda davam edir".
O qeyd edib ki, baxmayaraq ki, hərbi qarşıdurma aprelin 5-də dayandırıldı, erməni əsgərləri 6 aprel saat 3-dək mülki əhalinin evlərinə və yaşayış məntəqələrinə hücumları davam etdirdi: "2-5 aprel tarixlərində erməni silahlı qüvvələri Tərtərdə evləri dağıtdı. Beynəlxalq birlik və ABŞ zorakılığın bu cür şiddətli hallarını dərhal pisləməli və BMT-ni Yerevana iqtisadi və siyasi sanksiyalar tətbiq etməyə çağırmalıdır".
Teys deyib ki, Azərbaycan Silahlı Qüvvələrinin hərbi cavabı qanunidir, qərəzsizdir və vacibdir: "Ermənistan beynəlxalq birliyin atəşkəs çağırışlarından boyun qaçırmaqda davam etdi. Aprelin 8-də təmas xəttinin müxtəlif istiqamətlərindən 110 dəfə atəşkəsi pozdular".
O sonda əlavə edib: "Mən həmişə Qafqaz regionuna sülh, stabillik və iqtisadi inkişaf gəlməsi üçün Azərbaycanın ərazi bütövlüyünün tərəfdarı olmuşam. Ermənistan öz qoşunlarını Azərbaycan ərazilərindən çıxarmalıdır.
Dağlıq Qarabağ və ətraf ərazilərdəki silahlı münaqişə qlobal sülh və təhlükəsizlik üçün təhdiddir".