“Avropa Parlamenti dövlətimizin suverenliyinə və ərazi bütövlüyünə meydan oxuyur. Ermənistan xalqımıza qarşı dəhşətli cinayətlər törədib, şəhərlərimiz və tarixi mirasımızı talan edib. Amma Avropa Parlamenti kimi təşkilatlar sanki ölkəmizə qarşı yürüşə çıxıblar”.
Xalqcəbhəsi.az xəbər verir ki, bu fikirləri Milli Məclisin bu gün keçirilən plenar iclasında çıxışı zamanı spiker Sahibə Qafarova deyib.
S.Qafarova bildirib ki, bu qurum COP29 öncəsi ölkəmizə qarşı təzyiq etməyə çalışır: “Milli Məclis olaraq həmişə qeyd edirik ki, Azərbaycan dialoq üçün hazırdır. Amma hər hansı əsassız ittihamları və aqressiv ritorikanı qətiyyətlə rədd edirik. Heç bir təzyiq və hədə-qorxu bizi öz yolumuzdan döndərə bilməz”.

Xalqcəbhəsi.az