Ankara Rusiya və Türkiyə prezidentləri Vladimir Putin və Rəcəb Tayyib Ərdoğanın Yaxın Şərqdəki mövcud vəziyyətlə bağlı telefon danışığı aparacağına ümid edir.

Xalqcebhesi.az xəbər verir ki, bu barədə RİA Novosti Türkiyə liderinin administrasiyasındakı mənbəyə istinadən məlumat verir.

Jurnalistlər ondan Putinlə Ərdoğan arasında telefon danışıqlarının ehtimalı barədə soruşublar.
Mənbə bildirib ki, "Bu mümkündür. Dəqiq vaxt cədvəli yoxdur, amma çox güman ki, bu (zəng) tezliklə baş tutacaq".
O əlavə edib ki, Türkiyə prezidenti hazırda Yaxın Şərqdəki gərginliyi azaltmaq üçün "telefon diplomatiyası" aparır.