Fransa polisi son bir neçə gündə ölkədə pensiya islahatına qarşı keçirilən etiraz aksiyaları zamanı müxtəlif qanun pozuntularına görə 855 nəfəri saxlayıb.

Trend xəbər verir ki, bu barədə "BFM" telekanalına müsahibəsində Fransanın daxili işlər naziri Jerald Darmanen bildirib.

"İndiyədək bütün Fransada 855 nəfər saxlanılıb, onlardan 843-ü artıq həbs edilib", - deyə nazir bildirib.
O, həmçinin qeyd edib ki, cümə axşamı Fransada pensiya yaşının artırılmasına qarşı kütləvi etirazlar gözlənilir.