Almaniya Bundesliqasında “Union Berlin” Nenad Byelitsanı istefaya göndərib.

Trend İdman.biz-ə istinadən xəbər verir ki, xorvatiyalı mütəxəssis uğursuz nəticələrdən sonra qovulub.

Berlin klubu son 6 oyunda cəmi 2 xal toplayıb. 30 xalla 15-ci pillədə qərarlaşan “Union Berlin”i düşmə zonasından 1 xal ayırır. Son 2 turda komandaya Marko Qrote rəhbərlik edəcək.
Qeyd edək ki, Byelitsa “Union Berlin”ə ötən ilin noyabrından başçılıq edib. O, mövsümə "Trabzonspor"un baş məşqçisi kimi başlasa da, qısa müddətdən sonra komandadan uzaqlaşdırılıb.