İsrail Ordusunun sözçüsü Aviçay Adraee X hesabında fələstinlilərin cənuba zorla köçürüldüyü Qəzza zolağının şimal bölgələrinin bloklara bölündüyü və qırmızı rənglə işarələndiyi xəritəni paylaşıb.

Adraee bildirib ki, Qəzza zolağının şimal hissəsini təşkil edən Beyt Lahiya, Beyt Hanun, Cibaliya və ətraf bölgələrdəki evlərinə qayıtmaq istəyən fələstinlilər şimala getməməlidir.

Bildirək ki, İsrail ordusu daha əvvəl Qəzzanı daimi olaraq işğal etmək üçün geniş hücumlara başladığını açıqlamışdı. İsrailin Qəzza zolağının işğalını genişləndirmək və daimi etmək üçün həyata keçirməyə başladığı hücum planının bir hissəsi olaraq fələstinliləri Qəzzanın cənubundakı "toplama düşərgələrinə" sürgün etmək üçün tez-tez köçürmə əmrləri verir.