Rusiya xarici işlər naziri Sergey Lavrov və Çin Xalq Respublikasının Sədri Si Cinpin Rusiya lideri Vladimir Putinin Çinə səfərinin hazırlığını müzakirə ediblər.

Bu barədə Rusiya XİN-in məlumatında deyilir.

Lavrov Çin liderinə Rusiya Prezidenti Vladimir Putinin salamlarını çatdırıb.

Rusiya dövlət başçısının ŞƏT sammitində və militarist Yaponiya üzərində Qələbənin 80 illiyi münasibətilə keçirilən tədbirlərdə iştirak etmək üçün Çin Xalq Respublikasına səfərinin hazırlığı da daxil olmaqla, yüksək səviyyədə ikitərəfli siyasi təmasların bir sıra məsələləri müzakirə edilib.
ÇXR sədri Rusiya liderinin Çinə gələcək səfərindən məmnunluğunu bildirib.

Si Cinpin ikitərəfli münasibətlərin vəziyyətini yüksək qiymətləndirib və Rusiya ilə hərtərəfli tərəfdaşlıq və strateji qarşılıqlı fəaliyyətin daha da artırılmasına diqqət yönəltdiyini təsdiqləyib.

“Rusiya tərəfindən beynəlxalq və regional gündəliyin ayrıca aktual mövzularına da toxunulub”, - Rusiya Xarici İşlər Nazirliyinin məlumatında deyilir.