Rusiya heç vaxt Ukraynaya təhlükəsizlik zəmanətlərinin verilməsinin əvəzində ərazilərin güzəştə gedilməsi məsələsini gündəmə gətirməyib.

Xalqcebhesi.az xəbər verir ki, bu barədə Rusiya prezidenti Vladimir Putin Çində jurnalistlərə açıqlamasında bildirib.

“Xeyr, biz bu məsələni heç vaxt belə qoymamışıq və belə müzakirə etməmişik. Təhlükəsizlik zəmanətləri – bu, təbii məsələdir və mən bunu tez-tez deyirəm,” – deyə dövlət başçısı vurğulayıb.

Onun sözlərinə görə, Rusiya hesab edir ki, istənilən ölkə, o cümlədən Ukrayna, təhlükəsizlik sistemlərinə və zəmanətlərə sahib olmalıdır.

“Amma bu, heç bir mübadilə ilə, xüsusilə də ərazi mübadiləsi ilə bağlı deyil,” – deyə Putin əlavə edib.

Məryəm Quliyeva