Venesuela müxalifətinin lideri Mariya Korina Maçado laureatı olduğu Nobel Sülh Mükafatını ABŞ Prezidenti Donald Trampla bölüşməyə hazırdır.

APA xəbər verir ki, Maçado bu barədə “Fox News”a müsahibəsində bildirib.

O, “Maduronun devrilməsini azadlıq və insanlıq üçün nəhəng addım” adlandırıb.

“Əlbəttə ki, mən onunla (Trampla) görüşüb ona bunu şəxsən demək istərdim. Bu mükafat Venesuela xalqınındır, təbii ki, mən bu mükafatı ona vermək, onunla bölüşmək istəyirəm”, - Maçado vurğulayıb.

Qeyd edək ki, Donald Tramp Venesuelada Maçadonun hakimiyyətə gəlməsini dəstəkləməməsinin səbəbinin Nobel Sülh Mükafatı barədə fikir ayrılıqları olduğunu təkzib edib.