Ermənistanın xarici işlər naziri Ararat Mirzoyan İrəvanda İran xarici işlər nazirinin müavini Məcid Taxt Rəvançi ilə görüşüb.

APA Ermənistan KİV-ə istinadən xəbər verir ki, görüşdə Mirzoyan Tehranın İrəvan üçün strateji əhəmiyyət daşıdığını bildirib.

O xatırladıb ki, daha əvvəl Ermənistanın Baş naziri ilə İran İslam Respublikasının prezidenti bu il ərzində ikitərəfli münasibətlərin strateji tərəfdaşlıq səviyyəsinə yüksəldilməsi barədə razılığa gəliblər.

Tərəflər həmçinin regional kommunikasiyaların açılması məsələsi ətrafında fikir mübadiləsi aparıblar.