İtaliya parlamentində faşizmin təbliğ edilməsinə qarşı qanun layihəsi qəbul edilib.
Trend-in məlumatına görə, yeni qanun layihəsinə əsasən, faşizmə aid materialların satışı, yayılması, eləcə də faşizm salamının verilməsi cinayət hesab olunacaq.
Bu qanunu pozan şəxslərə 6 aydan 2 ilədək həbs cəzası verilə bilər.
Qanun layihəsi parlamentin aşağı palatası – Deputatlar palatasında qəbul edilib. Bundan sonra layihə Senatda müzakirə olunacaq.
SOCAR Gürcüstanda elektromobillərə xidmət şəbəkəsini genişləndirib
"SOCAR Georgia Petroleum" şirkəti Gürcüstanın Urbnisi şəhərində yerləşən yanacaqdoldurma məntəqəsində elektromobillərə də xidmət göstərəcək.
Bu, SOCAR tərəfindən elektromobillərə xidmət göstərilən 5-ci şəhərdir.
Məlumata görə, bundan öncə "SOCAR Georgia Petroleum" Tbilisi, Batumi, Telavi və Kutaisidə də eyni xidməti göstərməyə başlayıb.