Allahşükür Paşazadə Zaqatalada zona müşavirəsi keçirib Hadisə

Allahşükür Paşazadə Zaqatalada zona müşavirəsi keçirib

Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə Azərbaycanın şimal-qərb bölgəsinə səfər edib. APA-nın Şəki-Zaqatala bürosunun məlumatına görə, bu gün səhər Zaqatalaya gələn A.Paşazadə bölgədəki dini icmaların nümayəndələrinin iştirakı ilə zona müşavirəsi keçirib.
Müşavirədə Zaqatala, Balakən, Qax və Şəkidən olan dindarlar iştirak ediblər. QMİ sədri şimal-qərb bölgəsinə səfəri zamanı xeyriyyə yardımı həyata keçirib. O, Zaqatalada baş verən son zəlzələdən sonra zərərçəkən ailələrə 10 min manat miqdarında yardım edib. Bundan başqa, Allahşükür Paşazadə Bakı İslam Universitetinin Zaqatala bölməsinin tələbələrinə ərzaq tədarükü üçün 5 min manat vəsait ödəyib.