UNESKO-nun yaradılmasının 80 illiyi ilə bağlı Azərbaycanda UNESKO ensiklopediyası hazırlanır.

Xalqcebhesi.az xəbər verir ki, bu barədə layihə rəhbərləri - ADPU-nun UNESKO klubunun rəhbəri, filologiya üzrə fəlsəfə doktoru, dosent Könül Həsənova və qeyri-maddi mədəni irsin hüquqi qorunması üzrə tədqiqatçı, hüquqşünas Səməd Vəkilov məlumat verib.

UNESKO ensiklopediyasının hazırlanmasında Azərbaycanın müxtəlif elm sahələrində çalışan alimlər və ziyalılardan ibarət redaksiya heyəti iştirak edib.

UNESKO platformasının daha yaxşı öyrənilməsi, mədəni irsimizin qorunması mexanizmlərinin funksionallığının təmin olunmasında hazırlanmış ensiklopediya müsbət rol oynayacaq. Ensiklopediya yaxın vaxtlarda işıq üzü görəcək.