Türkiyə İran tərəfindən hücumlara məruz qalan ərəb ölkələrini münaqişədə birbaşa hərbi iştirakdan çəkinməyə inandırmaq üçün fəal şəkildə çalışır.

Xalqcebhesi.az xəbər verir ki, bu barədə Türkiyə Xarici İşlər Nazirliyindəki mənbələrə istinadən “Bloomberg” məlumat yayıb.

Agentliyin mənbələrinə görə, Ankara Yaxın Şərqdə ərəb dövlətlərinin ABŞ və İsrailin hərbi əməliyyatlarına cəlb olunmasının bütün regionu risk altına qoyacaq genişmiqyaslı müharibəyə səbəb ola biləcəyindən narahatdır. Türk diplomatlar İranın zərbələri fonunda ərəb dövlətlərinin səbrinin tükəndiyini deyirlər.

Gərginliyi azaltmaq məqsədilə Türkiyə xarici işlər naziri Hakan Fidan artıq Səudiyyə Ərəbistanı, BƏƏ və Qətərə səfər edib, həmçinin digər Yaxın Şərq ölkələrinin rəhbərliyi ilə telefon danışıqları aparıb.