Ağcabədi rayonunda zəncirvari qəzada beş nəfər ölüb.

Xalqcebhesi.az-ın Report-a istinadən məlumatına görə, hadisə rayonun Xocavənd kəndi ərazisində baş verib.

"Mersedes", "Hunday" və VAZ markalı avtomobillərin iştirakı ilə baş verən qəzada VAZ-ın sürücüsü, həmçinin maşındakı dörd sərnişin hadisə yerində ölüb.

Hazırda hadisə yerinə təcili tibbi yardım briqadası cəlb edilib.

Faktla bağlı araşdırma aparılır.