Tərtərdə iki "VAZ" markalı minik maşınlarının toqquşması nəticəsində bir nəfər ölüb, üç nəfər yaralanıb.

Xalqcebhesi.az xəbər verir ki, hadisə Tərtər şəhəri ərazisində baş verib.

Belə ki, qəza zamanı Bərdə rayon sakini 2001-ci il təvəllüdlü Yaqub İsbəndiyarov ölüb. Tərtər rayon sakini, 2003-cü il təvəllüdlü Emil Ağayev, Ağdam rayon sakini 1995-ci il təvəllüdlü Cəsarət Abışov və Ağdam rayon Orta Qərvənd kənd sakini, 2003-cü il təvəllüdlü Ümid Xıdırov isə yaralanıb.

Yaralılar Tərtər rayon mərkəzi xəstəxanasına çatdırılıb.

Faktla bağlı araşdırma aparılır.