Bu gün BAYRAQDAR MEDİA-nın yaranmasının 4-cü ildönümüdür.

BAYRAQDAR MEDİA rəsmi olaraq 1 aprel 2021-ci ildən bayraqdar.info adı altında “Hər zaman öndə!” şüarı ilə fəaliyyətə başlamış onlayn media resursudur.

Bildirək ki, BAYRAQDAR MEDİA 2008-ci ilin oktyabrından fəaliyyətə başlayıb, türk dünyasından tərcüməsiz xəbər və yazılar yaymaqla geniş auditoriya toplamış yalquzaq.com saytının (qəzetinin) varisi olaraq eyni məqsədləri hədəfləyir.

Əsasən xəbər ağırlıqlı resursun media siyasəti “Azərbaycan Jurnalistlərinin Peşə Davranışı Qaydaları” çərçivəsində gerçəkləşdirilir. İctimai-siyasi xəbər ağırlıqlı resursda mədəniyyət, ədəbiyyat, iqtisadiyyat, diplomatiya, ekologiya və s. də daxil olmaqla geniş əhatəli xəbərçilik gerçəkləşdirilir. Keyfiyyəti operativliyə qurban verməmək prinsipilə işləyən BAYRAQDAR MEDİA kənar müəlliflərə də açıqdır.

Qurucusu və baş redaktoru Əməkdar jurnalist Azər Həsrət olan BAYRAQDAR MEDİA, eyni zamanda, türk dünyasına özəl diqqəti ilə fərqlənməyi hədəfləyib.

Biz də “Xalq Cəbhəsi” kollektivi olaraq BAYRAQDAR MEDİA-nı təbrik edir, yeni nailiyyətlər diləyirik.