“Köçkünlük bizim üçün unudulmaz və ən ağır dövr idi. Allaha şükür ki, Prezidentimizin, müzəffər ordumuzun sayəsində çətin günlər geridə qaldı. Bu gün biz doğma yurdumuza geri dönürük”.

Bu sözləri APA-nın Qarabağ bürosuna bu gün Xocalı rayonunun Ballıca kəndinə köçən keçmiş məcburi köçkün Rövşən Əhmədov deyib.
Qarabağ müharibəsi iştirakçısı olduğunu deyən R. Əhmədov bildirib ki, artıq doğma torpaqlarda yenidən xoş günləri başlayır: “Çox sevinirəm, uşaqlarımız ata-baba torpaqlarımızda böyüyəcəklər”.