Son günlər Türkiyənin bəzi bölgələrində rekord aşağı temperatur qeydə alınıb.

Xalqcebhesi.az xəbər verir ki, bu barədə Türkiyənin kənd təsərrüfatı və meşəçilik naziri İbrahim Yumaklı sosial şəbəkə hesabında məlumat yayıb.

Nazir bildirib ki, ən aşağı temperatur aprelin 10-12-də olub. Qar və dolu yağıb, temperatur mənfi 15 dərəcəyə düşüb:

“Bəzi bölgələrdə son 10 ilin ən aşağı temperaturu qeydə alınıb. 2014-cü ilin şiddətli şaxtasından sonra tariximizdə ən böyük şaxtalardan birini yaşadıq”.