"ABŞ elə bir dövlətdir ki, orada dövlət sistemi, siyasi kurs ani qərarlar və ya şəxslər üzərindən verilmir. Beyin mərkəzləri, təhlükəsizlik xidməti, yəni siyasi kursa təsir edəcək birdən çox faktorlar var".

Bunu xalqcəbhəsi.az-a açıqlamasında siyasi şərhçi Turan Rzayev deyib.

T.Rzayev əlavə edib ki, Bayden, Tramp və ya onlardan öncəki prezidentlər xüsusi bir siyasi xətt yeritmirlər: “Onlar əslində ümumi təyin olunan siyasi xətti yeridirlər. Bu ümumi siyasətin məqsədi maraqların təmin olunmasıdır. Müəyyən korrektələr və metod fərqliliyi ola bilər. Məsələn, Tramp daha aqressiv, Bayden daha fərqli siyasi bir xətt tutmuş ola bilər. Amma bu o demək deyil ki, onlar əslində iki fərqli siyasi yön tutublar. Xeyr. Mənə görə dövr eyni dövrdür, siyasət eyni siyasətdir. Sadəcə icra edən şəxsin icra metodlarında müəyyən fərqliliklər var”.

Röya İsrafilova