Almaniyanın Hamburq şəhərindəki mərkəzi dəmiryolu vağzalında baş verən bıçaqlı hücum nəticəsində 18 nəfərin yaralandığı bildirilib.

Xalqcebhesi.az xəbər verir ki, hadisə zamanı 4 nəfər ağır, 14 nəfər isə yüngül xəsarət alıb. Hamburq polisi tərəfindən verilən açıqlamada, dünən axşam saat 18:00 radələrində Hamburq-Münhen səfərinə çıxacaq sərnişinlərin gözlədiyi 13/14 nömrəli perronda hücumun baş verdiyi bildirilib.

Polis, hücum edən şəxsin kimliyinin müəyyənləşdirildiyini və onun 39 yaşlı bir qadın olduğunu açıqlayıb. Həmin şəxsin daha əvvəl də müxtəlif hadisələrlə bağlı polis qeydlərində yer aldığı və psixi problemləri səbəbilə psixiatriya klinikasında müalicə olunduğu qeyd edilib.

Məryəm Quliyeva