ABŞ prezidenti Donald Tramp Qəzza zolağına səfər edəcəyini açıqlayıb.

Xalqcebhesi.az xəbər verir ki, o, “Time” jurnalına müsahibəsində bununla bağlı suala “Bəli, gedəcəm” cavabını verib.

ABŞ prezident administrasiyası tərəfindən əvvəllər dərc edilmiş Qəzzədəki münaqişənin həlli ilə bağlı Amerika planına əsasən, anklavın keçid dövrü üçün kənardan nəzarətə keçəcəyi ehtimal edilirdi. Planda təklif olunduğu kimi, “Sülh Şurası”na Tramp sədrlik edəcək, digər üzvlərinin adları daha sonra açıqlanacaq. Sənəddə bu quruma Böyük Britaniyanın keçmiş baş naziri Toni Bleyrin də daxil olacağı da qeyd edilib.

Tramp hesab edir ki, “Sülh Şurası çox nüfuzlu insanlar qrupu olacaq və Yaxın Şərqdə çoxlu gücə malik olacaq”.

Məryəm Quliyeva