Rusiya tərəfi Rusiya Federasiyasının sərhədləri yaxınlığında NATO-ya yeni üzv olan ölkələri diqqətlə izləyir ki, bu da ciddi problem yaradır.

Xalqcebhesi.az xəbər verir ki, bu barədə jurnalistlərə Rusiya Federasiyası Təhlükəsizlik Şurasının (TŞ) katibi Sergey Şoyqu MDB-yə üzv dövlətlərin təhlükəsizlik şuraları katiblərinin 13-cü iclasının yekunları üzrə məlumat verib.

"Gördüyünüz kimi, Avropa özünü kifayət qədər fəal şəkildə silahlandırır. Belarus sərhədində müxtəlif hadisələr baş verir. Bəzən bağlanır, bəzən açılır. Eyni hal müxtəlif Avropa siyasətçilərinin Kalininqrad və Baltik dənizi ilə bağlı açıqlamalarına da aiddir. Və burada təbii olaraq bizi bunu çox yaxından izləməyə məcbur edən bir çox fərqli məqam var. Sərhədlərimizin yaxınlığında iki yeni NATO ölkəsinin, NATO üzvlərinin meydana çıxması da bizim üçün ciddi bir problemdir", - deyə o, Müstəqil Dövlətlər Birliyində (MDB) üzləşdiyi son təhdidlərlə bağlı suala cavab verərkən bildirib.

Məryəm Quliyeva