Rusiya tərəfi ABŞ-ın Avropa və Ukrayna ilə müvəqqəti razılaşdırılmış hesab etdiyi sülh planının bir versiyasını təqdim etməsini gözləyir.

Xalqcebhesi.az TASS-a istinadən xəbər verir ki, bunu Rusiyanın xarici işlər naziri Sergey Lavrov Rusiya və Belarus nazirliklərinin kollegiyalarının birgə iclasının yekunlarına dair mətbuat konfransında deyib.

Lavrovun sözlərinə görə, Rusiyanın ABŞ-lı həmkarları ilə dialoq kanalları var və bu xətlərdən istifadə olunacaq.
"Biz onlardan (amerikalı həmkarlarımızdan) bu mətnin avropalılar və ukraynalılarla razılaşdırılması mərhələsini başa çatdırmaq baxımından müvəqqəti hesab etdikləri versiyanı gözləyirik", - Rusiya XİN rəhbəri bildirib.

Məryəm Quliyeva