Fələstinin radikal HƏMAS hərəkatı tərəfindən çərşənbə axşamı İsrailə təhvil verilən tabutda israilli girovların qalıqları yoxdur.

Xalqcebhesi.az xəbər verir ki, bu barədə İsrailin Baş naziri Binyamin Netanyahunun ofisi məlumat yayıb.

“Milli Məhkəmə Ekspertizası İnstitutunda şəxsiyyətin müəyyən edilməsi prosesi başa çatdıqdan sonra, dünən Qəzza zolağından geri gətirilən qalıqların ölən iki girovdan heç birinə aid olmadığı müəyyən edilib”, - deyə məlumatda bildirilir.

Dekabrın 2-də İsrail hərbçiləri Qəzza zolağında qalıqları olan daha bir tabut alıblar. Onlar İsrail ərazisinə aparılıb və orada şəxsiyyətin müəyyən edilməsi proseduru həyata keçirilib.

Məryəm Quliyeva