Qrenlandiya Parlamentinin vitse-spikeri Bentiaraq Ottosenin sözlərinə görə, Şimali Atlantika Müqaviləsinin 5-ci maddəsinin tətbiqi məsələsi Qrenlandiyaya birbaşa təhlükə yarandıqda qaldırıla bilər.

Xalqcebhesi.az xəbər verir ki, onun sözlərini "RİA Novosti" sitat gətirir.

Eyni zamanda, onun sözlərinə görə, Danimarka rəsmi olaraq belə bir müzakirəyə başlamalı olacaq.
Ottosen deyib: "Biz NATO üzvüyük. NATO-nun 5-ci maddəsinə baxmalıyıq; onlar (ABŞ) bizim bütövlüyümüzü və ərazimizi təhdid edir".

NATO Müqaviləsinin 5-ci maddəsində alyansın bir üzvünə silahlı hücumun bütün üzvlərinə hücum hesab edildiyi və üzv dövlətlərin istəyi ilə silahlı qüvvə tətbiqi də daxil olmaqla, zəruri yardımın göstərilməsini əhatə edən kollektiv cavab tədbirlərinin görülməsini nəzərdə tutulur.

Məryəm Quliyeva