NATO-nun kəşfiyyat təyyarəsi son bir neçə saat ərzində Qara dənizin neytral suları üzərində uçuş həyata keçirir.

Xalqcebhesi.az xəbər verir ki, bu barədə TASS-a hava nəqliyyatının idarə edilməsi dairələrindəki mənbə bildirib.

Mənbənin sözlərinə görə, "Bir neçə saatdır ki, Bombardier Challenger 650 platforması əsasında yaradılmış və əsasən radioelektron kəşfiyyat funksiyaları yerinə yetirən təyyarənin uçuşunu müşahidə edirik”, – deyə o bildirib.

Onun sözlərinə görə, təyyarə artıq bir neçə dəfə təxminən 10 km hündürlükdə dəniz üzərində uçuş edib və Rumıniyadakı uçuş nöqtəsi istisna olmaqla heç bir ölkənin hava məkanına daxil olmayıb. “Kəşfiyyat təyyarəsinin uçuş trayektoriyası dəniz üzərindən uçan mülki təyyarələrin standart marşrutlarına toxunmur”, – deyə mənbə əlavə edib.

Mənbə qeyd edib ki, bu bort Rumıniya ərazisindən qalxaraq Qara dəniz üzərində ilk dəfə müşahidə olunmur.

Məryəm Quliyeva