Vladimir Zelenski Slovakiyanın baş naziri Robert Fitsoya həll olunmamış məsələləri müzakirə etmək üçün Ukraynaya gəlməyi təklif edib.

Xalqcebhesi.az xəbər verir ki, bu barədə Zelenskinin ofisindən məlumat verilib.

"Hal-hazırda Zelenski Slovakiyanın baş naziri Robert Fitso ilə danışır. Zelenski onu bütün mövcud məsələləri müzakirə etmək üçün Ukraynaya dəvət edir", – deyə ofisin Telegram kanalında bildirilib.

Səhər saatlarında Fitso bildirmişdi ki, fevralın 27-nə Zelenski ilə telefon danışığı planlaşdırılıb və o, bu danışıq zamanı Ukraynanın Slovakiyaya neft tədarükü ilə bağlı mövqeyini öyrənmək niyyətindədir. Fitsoya görə, Kiyev Rusiyanın neftinin "Drujba" boru kəməri ilə nəqlinin bərpası tarixini daim təxirə salır.

Bundan əvvəl Slovakiya Rusiyanın neft tranzitinin dayandırılmasına cavab olaraq Ukraynaya fövqəladə elektrik enerjisi tədarükünü dayandırdığını elan etmişdi.

Məryəm Quliyeva