2025-ci ilin yanvar-aprel aylarında Azərbaycanda sığorta yığımlarının həcmi 588,47 milyon manat təşkil edib.

"APA-Economics" bu barədə Azərbaycan Mərkəzi Bankına istinadən xəbər verir. Məlumata görə, sığorta bazarı son bir ildə 8,4 % böyüyüb.

Hesabat dövründə sığorta ödənişlərinin həcmi isə 231,33 milyon manat təşkil edib ki, bu da ötən ilin eyni dövrünə nisbətən 10,4 % çoxdur.

Bu dövrdə sığorta bazarının zərərliliyi nisbətən artıb. Ötən ilin ilk dörd ayında sığorta bazarında zərərlilik 38,6% olduğu halda, bu ilin eyni dövründə bu rəqəm 39,3%-ə yüksəlib.